Thi jindajin rajna

Popoloca-Ngigua de San Marcos Tlacoyalco

Ngigua nichja chujni San Marcos Tlacoyalco, kai di'in popoloca. Ko San Marcos Tlacoyalco jii ngain nunthe Ndani'nga (Puebla), nu nunthexin (sureste) ngain nunthe Sasenthjua, ko jii inchin noo kan kilómetro nu ku'e (norte) rajna Ndachjian ko inchin inkjaon kilómetro nu sureste ngain municipio Xula Benito Juárez. Ko icha ni nichja xraje'o ngigua kai te na rajnanchja di'in San José Buenavista, kai te na tuenjna ngain rajnanchjan di'in: Piedra Incada, Palo Verde, San Juan Sacabasco, San Martín Esperilla, Ni'ngo Joon, Sompantle  ko San Francisco Esperilla. Ko rajna icha jié, mee rajna San Marcos Tlacoyalco. Ko ngigua ji'i kai binchegi'in na popoloca de norte. Ko ni ngigua Tlacoyalco jii inchin kan ko the no (30,000) na.

Rajna San Marcos Tlacoyalco, jii inchin naa no ko naa renkia ko nii kan ko the (1970) metro icha nui ke ngata'a ndachaon, mexinxin kusa'a chjee chrin ko anto xema. Ko kain rajnanchjan te tuenjna, te inchin yoo no ko na'o renkia (2500) metro icha nui ke ndachaon.

trasfon.jpg