Jai je'o te footo xraxaunxin ni kexreen bagituxi'in ni ngigua are sa'o, ko ni nchrii bagengaa na blusa bechunda kulaani yeye, ko baka'o na nagua jini ko theka ko bakauxin na nagua kunixin kakje dikunchjianxin chjuen kuthuchjon ko bakingaxin kakje kunixin na'o jatse, sine ko yua. Ko bagetsaa na ruthe ko bakjanga na kathe kurrea. Ko jai istje'a ni dituxi'in jañaa.
Ni tathiita bagengaa na camisa manta ko bageriandee na naa puuxa nu ngajinxin na, ko baka'o na kacha manta ko bakiaxin na kacha kunixin naa jino.
Jai je'o kainxion ni tathiita xraxaon kexreen binthe luntho bagengaa na are sa'o, ixin ixru'in ni dengaa luntho. “Jañaa bagituxi'in ni ndudachri'a ná”.
Ko jai xan xii jee dithuxi'in xan ko nchejinjin jaa xan inchin nche'e ni inaa rajna o inaa nunthe.
